|
| 今日係立法會選舉日, 政治冷感的我連政黨都未分得清, 今次令我最注目的就是發現有個老友原來轉左行都唔知, 而今日我都投左佢一票, 努力呀~~Sunny~~我地支持你~~~  
| | |
| 今朝都仲係八號風球, 唔使返工就同屋企人落街飲茶, 當時都未算好大風, 食飽走人就真係似打風啦~~周地都係樹枝, D風迎面吹來"HUP HUP"聲, 返到樓下大堂一開門就一陣強風吹來, 吹實左度門開唔到, 要等左十幾廿秒D風過左先敢開, 上到樓睇電視原來已經係九號風球..........同八號真係差幾皮~~ | | |
| 三十歲前總算順利完成了大學夜校課程, 對自己有個"膠袋", 而工作就.......不過不失啦, 話晒都穩定左咁多年. 踏入三十歲後首要就係為下半生的幸福開始舖排, 咁多嘢要做......做邊樣先好呢~~~  | | |
| 同往年一樣, 今年12月又係公司趕中期業績同準備學校考試, 今年仲要公司一個在公司合作多年的好拍擋及一個得力下屬同時於10月底離職, 好多事都要親力親為, 真係忙到想死, 在放棄了兩個星期六日的玩樂時間及多日的拼搏, 總算趕工完成, 可以放返兩日假考試, 跟住又返一日搞公佈業績, 又再放三日考另一科, 終於來到1220的今日, 可以腦輕鬆!!  聖誕可以玩返餐!! | | |
| 重陽節應節去了南丫島登高, 就扮忍者小靈精由越過高山由越過谷, 由榕樹灣穿山過谷去到索罟灣! 落船四圍行, 行到見到阿婆就緊係過去食佢豆腐……花啦, 食完甜品就到正餐, 揀完一輪決定食土耳其大餐~~點了烤雞卡巴伴薯條&夏威夷薄餅 + 酸奶&可樂, 想知有幾好味睇相就會知. 填飽肚補充體力預備”乾糧”上路。 第一站行到去洪聖爺灣見到有一雀、雙飛蝴蝶、三點式美女，睇飽又開始上山，一路行都好多人、狗、靚景，上山落山穿森過林終於去到一個見到索罟灣的涼亭（幾年前同一班友都嚟過），有得坐低就可以食之前準備的”乾糧”，當中包括串燒墨魚鬚、牛肉、春卷，呢個亭仲要好好風，行到熱係到吹真係好舒服，再起步行多陣就到終點索罟灣完成旅途。 http://www.fotogb.com/crazyangus/20071020lammaisland?password=lamma (password = lamma) | | |
|
